Godfather kominn út

Tölvuleikurinn Godfather er kominn út fyrir PC, Playstation 2, Xbox og PSP. Leikurinn er byggður á bókinni Godfather eftir Mario Puzo og samnefndri kvikmynd. Hefur leikurinn þegar fengið mjög góða dóma gagnrýnenda.

Godfather er saga um fjölskylduna, virðingu og tryggð.  Leikurinn gerist í New York á árunum 1945 til 1955, þar sem leikmenn eiga að klifra upp metorðastiga mafíunnar og ná yfirráðum yfir borginni. 

Myndin Godfather skartaði mörgum af þekktari leikurum Hollywood og komu sumir þeirra að gerð leiksins. Meðal þeirra sem ljá leiknum rödd sína og andlit eru Marlon Brando sem Don Vito Corleone, James Caan sem Sonny Corleone og Robert Duvall sem Tom Hagen.