Ingram farinn frá Stjörnunni

Miðherjinn þéttvaxni Maurice Ingram er farinn frá körfuknattleiksliði Stjörnunnar eftir að körfuknattleiksdeild félagsins ákvað að framlengja ekki við hann reynslusamning. Ingram spilaði þrjá leiki fyrir liðið og skoraði innan við 10 stig að meðaltali, en hirti reyndar rúm 16 fráköst í leik.

Þá hefur Marcin Konarzewski óskað þess að vera leystur undan samningi sínum við Tindastól á Sauðárkróki, en hann átti við meiðsli að stríða. Hann skoraði að meðaltali um 17 stig og hirti 9 fráköst í leik svo þetta er nokkur missir fyrir norðanmenn.

Þetta kom fram á heimasíðum félaganna.