Balotelli og Maicon eru ekki til sölu

Forráðamenn Inter eru eitthvað orðnir þreyttir á því að verið sé að orða leikmenn félagsins við önnur félög og hafa nú tekð skýrt fram að Mario Balotelli og Maicon séu einfaldlega ekki til sölu.

Umboðsmenn Balotelli voru þrátt fyrir það í Manchester að ræða við forráðamenn Man. Utd og Man. City. Real Madrid var síðan búið að reyna að kaupa Maicon en gafst upp.

"Við erum í kjörstöðu eftir að hafa unnið mikið í fyrra. Síminn stoppar ekki hjá okkur og önnur lið vilja sex eða sjö af okkar meisturum," sagði íþróttastjórinn Marco Branca.

"Það er ekki hægt að setja verðmiða á Balotelli. Þess þarf heldur ekki þar sem bæði hann og Maicon eru ekki til sölu. Auðvitað skoðum við tilboð af virðingu en þeir eru samt ekki á markaðnum."

Branca sagði einnig að ekki væri enn komið alvöru tilboð í Balotelli.