Gerrard og Benitez kátir

Steven Gerrard, fyrirliði Liverpool, sagði eftir sigurinn á Lille í kvöld að gagnrýni frá stjóranum, Rafa Benitez, sé að skila sér í betri leik liðsins þessa dagana.

Liverpool vann Portsmouth á mánudag og fylgdi því eftir með flottum sigri á Lille í Evrópudeildinni í kvöld.

„Rafa er stjórinn og hefur rétt á því að gagnrýna menn á réttum augnablikum. Það er ánægjulegt að sjá hvernig menn hafa brugðist við þeirri gagnrýni í síðustu tveim leikjum. Við ætlum að halda þessu áfram um helgina gegn Man. Utd," sagði Gerrard.

Benitez var einnig afar kátur.

„Þetta var erfiður leikur því Lille er gott lið en andrúmsloftið var frábært og það eru allir kátir núna. Leikmenn voru virkilega að leggja á sig mikla vinnu í leiknum. Lille var samt hættulegt. Við urðum að skora þriðja markið og það var nokkur léttir er þriðja markið kom," sagði Rafa.