Veiðikortið 2012 er komið í sölu hjá SVFR

Veiðikortið 2012 er nú fáanlegt á skrifstofu SVFR. Veiðikortið mun standa félagsmönnum í Stangaveiðifélagi Reykjavíkur til boða á aðeins 4.000 krónur. Aðeins verður selt eitt kort á hverja kennitölu. Þeir félagsmenn sem hafa hug á að nota kortið til að gleðja vini og vandamenn geta hins vegar keypt fleiri umframkort á 4.800.- krónur.  Almennt verð fyrir Veiðikortið er 6.000 krónur og hækkar ekki á milli ára.

Nýju vötnin sem bætast við að þessu sinni eru Hólmavatn á Hólmsheiði (fyrir landi Sólheima) og Laxárvatn á Laxárdalsheiði. Vötnin eru oft nefnd í sömu andránni sem Sólheimavötn. Vötnin eru í um 30 km akstursfjarlægð frá Búðardal. Í Laxárvatni er nær eingöngu urriði, en í Hólmavatni er bæði bleikja og urriði.

Nánari upplýsingar má nálgast á vef Veiðikortsins; www.veidikortid.is