Milan í annað sætið eftir stórsigur

AC Milan komst í kvöld upp í annað sætið í ítölsku úrvalsdeildinni er það valtaði yfir Chievo.

Svíinn Zlatan Ibrahimovic skoraði tvisvar fyrir Milan í kvöld og hin mörkin skoruðu þeir Pato og Thiago Silva. Öll mörkin komu í fyrri hálfleik þannig að síðari hálfleikurinn var algjört formsatriði.

Milan er með 24 stig eftir 12 leiki en Juventus er á toppnum með 25 stig eftir 11 leiki.

Úrslit dagsins:

AC Milan-Chievo  4-0

Zlatan Ibrahimovic 2, Pato, Thiago Silva.

Siena-Inter  0-1

- Luc Castaignos.

Palermo-Fiorentina  2-0

Fabrizio Miccoli, Josip Ilicic.

Cesena-Genoa  2-0

Adrian Mutu 2.

Cagliari-Bologna  1-1

Daniele Conti - Marco di Vaio.