Lífið

Ásdís Rán fær ekki frið

Ásdís Rán Gunnarsdóttir fyrirsæta fær ekki frið fyrir ljósmyndurum í Búlgaríu en hún býr þar. Eftirfarandi texti birtist í búlgörsku blaði sem fylgist með lífi fræga fólksins þar í landi ásamt myndunum af Ásdísi:

Íslenska fegurðardísin Ásdís Rán (33) sýnir sig á ströndinni í Grikklandi með elskhuganum, Calvin Klein-fyrirsætunni og fótboltamanninum Angel Kalinov (26).

Þetta ofurheita par hefur verið að hittast síðustu mánuði eins og flestir vita en myndir voru teknar af þeim í vor þar sem þau yfirgáfu Sheraton-hótelið í Sofíu aðeins einum mánuði eftir að Ásdís greindi frá skilnaði þeirra Garðars Gunnlaugssonar fótboltamanns. Vitni segja að það hafi farið vel á með þeim þar sem þau nutu lífsins á ströndinni í Kavala. Flestir bíða spenntir eftir að vita hver verður svo heppinn að hreppa ísdrottninguna og velta menn nú fyrir hvort hún sé gengin út sem yrðu sorgarfréttir fyrir karlmennina í Búlgaríu. Ásdís sagði nýlega í viðtali að hún væri enn "single and happy" og væri ekki að hugsa um að fara í alvarlegt samband á næstunni.

Lífið hafði samband við Ásdísi og spurði hvort eitthvað væri að marka fréttina um samband hennar og Calvin Klein-fyrirsætunnar, Angels. Hún sagðist vissulega hafa notið frísins í Grikklandi en vildi ekki tjá sig að svo stöddu um samband sitt við manninn.

Meðfylgjandi má sjá umræddar myndir.

Skroll-Lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.