Juventus enn taplaust á toppnum

Juventus er í góðum málum í ítölsku úrvalsdeildinni eftir 4-1 sigur á Roma í kvöld. Liðið er taplaust á toppi deildarinnar með sextán stig af átján mögulegum.

Andrea Pirlo, Arturo Vidal (víti), Alessandro Matri og Sebastian Giovinco skoruðu mörk Juventus í dag en Daniel Osvaldo fyrir Roma úr vítspyrnu.

Fyrr í dag gerðu Parma og AC Milan 1-1 jafntefli. Táningurinn Stephan El Shaarawy kom Milan yfir en Daniele Galloppa jafnaði metin fyrir Parma.

Milan hefur hikstað nokkuð í upphafi leiktíðar en liðið er í áttunda sæti deildarinnar með sjö stig eftir sex leiki. Liðið hefur aðeins unnið tvo af fyrstu sex leikjum sínum á tímabilinu.

Roma og Parma eru um miðja deild en bæði lið eru með sex stig.