Bílar

Dýrasti japanski bíllinn

Finnur Thorlacius skrifar
Aldrei hefur japanskur bíll selst á hærra verði
Aldrei hefur japanskur bíll selst á hærra verði


Þessi fallegi Toyota 2000GT bíll af árgerð 1967 var nýlega boðinn upp hjá RM Auctions í Bandaríkjunum og fyrir hann fengust 1,16 milljón dollarar, eða 138 milljónir króna. Það gerir þennan bíl af dýrasta bíl sem framleiddur hefur verið í Japan og reyndar í leiðinni í Asíu allri.

Það hefur eflaust ýtt upp verðinu að bíllinn er sjaldgæfur en aðeins voru framleidd 351 eintak og aðeins 62 þeirra með stýrið vinstra megin eins og í þessum bíl. Eigandi bílsins var bílasafnarinn Don Davies sem býr í Texas.

Toyota 2000GT hefur verið skilgreindur sem fyrsti japanski ofurbíllinn og hefur ávallt verið talinn frábær bíll, enda talsvert í hann lagt. Hann er með 150 hestafla vél úr sex strokka 2,0 lítra sprengirými, sem þótti mikið afl á þeim tíma. Bíllinn er með 5 gíra beinskiptingu og hámarkshraði hans er 217 km/klst.

Mest lesið




×

Mest lesið