Nýr Peugeot 308 á að keppa við Golf

Franski bílasmiðurinn Peugeot telur ástæðulaust að eftirláta Volkswagen Golf um sviðsljósið og söluna í sínum stærðarflokki og beinir nú nýjum Peugeot 308 beint að sjöundu kynslóð Golfsins. Hann er mjög svipaður að stærð en virðist samt stækkuð útgáfa af nýjum Peugeot 208 sem kom á markað í fyrra. Bíllinn er allur hinn fríðasti og um hann leika laglegar línur. Grillið er stórt og LED framlugtirnar langar og sportlegar. Að innan má segja að bíllinn sé “minimalískur”, eða sveipaður naumhyggju. Kappkostað hefur verið að fækka tökkum en í stað þeirra er stór 9,7 tommu aðgerðaskjár þar sem stjórna má flestu í bílnum. Burstað stál og króm er áberandi inní bílnum. 

Léttist um 140 kíló

Peugeot er byggður á EMP2 undirvagninum sem einnig verður notaður í Citroën C4 Picasso, en hann er mjög léttur en sterkbyggður og er úr hástyrktarstáli og magnesíum. Ekki síst þess vegna hefur Peugeot 308 lést um 140 kíló frá forvera sínum, Peugeot 307. Ekki er ljóst hvaða vélar bjóðast í 308. Hann verður fyrst sýndur á bílasýningunni í Frankfurt í September og kemur væntanlega á markað fljótlega eftir það.