Óttalausir ökumenn

Martelli bræðurnir Matt og Joshua er fyrir löngu orðnir þekktir fyrir ökuhæfni sína í „Gymkhana“ bílaseríunum. Hér sést til þeirra aka breyttum Polaris RZR XP1000 bíl sem hannaður er til aksturs við erfiðar og ósléttar aðstæður.

Venjulegur slíkur bíll er vopnaður tveggja strokka 107 hestafl vélsléðavél, en þessi bíll sem þeir sjást aka hér er 190 hestöfl og þar sem bíllinn er aðeins 626 kíló er hann ansi sprækur. Í myndskeiðinu aka þeir um yfrigefna járnnámu austur af Palm Springs í Kaliforníu.

Þar má finna ófáar hætturnar, stökkbrettin, djúpar holurnar og snarbrattar hlíðar. Ekki er víst að margir gætu leikið eftir akstur þeirra við þessar aðstæðurnar og víst er að þeir eru ekki lífhræddir, þó svo veltigrind bílsins veiti eitthvert öryggi.

Polaris ökutækið er fjórhjóladrifið, en ef ekki er þörf á gripi á framhjólunum tekur hann aðeins á afturdekkjunum, bara til að auka gamanið og láta hann skrika meira gegnum beygjurnar. Sjón er sögu ríkari hér sem fyrr.