Bílasala í Bretlandi ekki meiri í 6 ár

Þó bílasala í Evrópu sé í lægð á það ekki við í Bretlandi. Þar hefur bílasala ekki verið meiri síðan árið 2007 og jókst hún um 10,8% frá árinu 2012. Vöxturinn var hressilega meiri í desember nýliðnum, eða 23,8% og var það 22. mánuðurinn í röð sem bílasala eykst í Bretlandi.

Heildarsalan var 2,26 milljón bílar. Bílasalar buðu afar hagstæðar lánafyrirgreiðslur í fyrra sem freistuðu margra kaupenda og á það stóran þátt í þessari góðu sölu. Búist er við því að salan á þessu ári verði á pari við söluna í fyrra. Einn af hverjum 7 bílum sem seldust í Bretlandi voru framleiddir þar, eða 300.000.

Það þýðir ekki að framleiðsla bíla í Bretlandi sé í lægt. Þvert á móti hefur hún ekki verið meiri í langan tíma, en flestir bílar sem framleiddir eru þar eru fluttir til annarra landa, en framleiðslan nam 1,5 milljónum bíla. Mörg þúsund ný störf sköpuðust í Bretlandi í bílaiðnaðinum í fyrra, ekki síst hjá Jaguar/Land Rover.

Mest seldi bílinn í Bretlandi í fyrra var Ford Fiesta og Ford Focus var í öðru sæti en samtals seldust um 210.000 slíkir bílar. Vauxhall átti 2 næstu bíla, Vauxhall Corsa og Astra og í 5. sætinu var Volkswagen Golf.