Lexus sýning á morgun

Lexus Kauptúni verður með sýningu á laugardag þar sem nýr Lexus CT 200h verður í aðalhlutverki. Töluverðar útlitsbreytingar hafa verið gerðar á CT 200h sem þykir allt í senn sportlegur, hljóðlátur og hagkvæmur.

Lexus CT200h er tvinnbíll og afar sparsamur á dropann, eyðir aðeins 3,6 lítrum á hverja hundrað kílómetra og leit er að bíl sem mengar minna, eða 82 g/km af CO2.

Á sýningunni verður einnig boðið upp á reynsluakstur á öðrum Lexus gerðum, þ.e. IS 300h GS 450h og RX 450h. Sýningin verður opin laugardaginn 22. mars frá kl. 12:00 til 16:00.