Aflatölur laxveiðiánna í liðinni viku

Nýjar veiðitölur yfir stöðuna í laxveiðiánum gefa ekki tilefni til sérstakrar bjartsýni yfir því að ástandið eigi eftir að batna mikið í þeim ám sem verst standa.

Nú þegar vika er liðin af ágúst eru aðeins tvær ár komnar yfir 1000 laxa en það eru Blanda og Eystri Rangá.  Blanda er búin að vera á fullum gír í júlí en það styttist í yfirfall og þá detta veiðitölurnar niður sem er synd því mikið af laxi er í ánni.  Árnar sem eru á topp tíu listanum eiga þó flestar, ef ekki allar eftir að fara yfir 1000 laxa og flestar líklega gott betur en það svo ekki er ástandið alls staðar jafn slæmt og raunar á pari við meðalgóð ár.  En inn á milli eru ár sem eru í afskaplega slæmum málum og þær eru flest allar á vesturlandi nema Sogið.  Veiðin í Soginu er svo róleg að elstu menn muna ekki annað eins en það sem hefur bjargað mörgum veiðitúrnum er ágæt bleikjuveiði á vænni bleikju.  Tíu aflahæstu ár landsins eru hér en listann má skoða í heild sinni hjá www.angling.is

Veiðivatn	Dagsetning	Heildarveiði	Stangafjöldi	Lokatölur 2013
Blanda	6. 8. 2014	1563	14	2611
Eystri-Rangá	6. 8. 2014	1306	18	4797
Miðfjarðará	6. 8. 2014	860	10	3667
Þverá + Kjarará	6. 8. 2014	851	14	3373
Ytri-Rangá & Hólsá, vesturbakki.	6. 8. 2014	843	20	5461
Norðurá	6. 8. 2014	733	15	3351
Laxá á Ásum	6. 8. 2014	618	2	1062
Haffjarðará	6. 8. 2014	567	6	2158
Selá í Vopnafirði	6. 8. 2014	565	7	1664
Laxá í Aðaldal	6. 8. 2014	518	18	1009