Könnukökur sem allir geta gert - UPPSKRIFTIR

Það er leikur einn að búa sér til köku í könnu ef löngunin í sætindi nær yfirhöndinni.

Þessar uppskriftir miðast allar við eina köku og ætti hver sem er að geta hrært í svona köku á nokkrum mínútum. Ekki skemmir fyrir að þessar kökur eru líka einstaklega ljúffengar.

Oreo-kaka

¼ bolli hvítt súkkulaði

3 msk. mjólk

4 msk. hveiti

¼ tsk. lyftiduft

½ tsk. jurtaolía

2 Oreo-kökur



Blandið hvítu súkkulaði og mjólk saman í könnu sem þolir örbylgjuofn og hitið í um fjörutíu sekúndur. Hrærið vel þangað til súkkulaðið er bráðið. Bætið hveiti, lyftidufti og olíu saman við og hrærið. Myljið Oreo ofan í blönduna og hitið í örbylgjuofni í um eina mínútu. Leyfið kökunni að kólna í nokkrar mínútur áður en hún er borðuð.

Fengið hér.

Súkkulaði- og hnetusmjörskaka

3 msk. hveiti

2 msk. sykur

1½ msk. kakó

¼ tsk. lyftiduft

smá salt

3 msk. mjólk

1½ msk. jurtaolía

1 msk. hnetusmjör



Hrærið þurrefnum saman í könnu sem þolir örbylgjuofn. Bætið mjólk, olíu og hnetusmjöri við og hrærið vel. Hitið í örbylgjuofni í eina mínútu og tíu sekúndur. Berið strax fram.

Fengið hér.

Kaffikaka

3 msk. hveiti

2 msk. sykur

1 msk. kakó

¼ tsk. lyftiduft

¾ msk. jurta- eða kókosolía

1 msk. sterkt kaffi

2 msk. mjólk

¼ tsk. vanilludropar 



Blandið þurrefnum vel saman í könnu sem þolir örbylgjuofn. Bætið olíu, kaffi og vanilludropum saman við og hrærið vel saman. Hitið í örbylgjuofni í 45 sekúndur og upp í mínútu. Skreytið með flórsykri og berið fram.

Fengið hér.

Haframjöls- og Nutella-kaka

3 msk. mjólk

1 msk. ólífuolía

1 msk. sykur

3 msk. hveiti

1½ msk. haframjöl

1 msk. fínt saxaðar pecan-hnetur

¼ tsk. lyftiduft

1/8 tsk. salt

¼ tsk. kanill

örlítið múskat ef vill

1 msk. Nutella



Blandið mjólk, olíu og sykri saman í könnu sem þolir örbylgjuofn. Bætið hveiti við og blandið. Bætið síðan haframjöli, pecan-hnetum, lyftidufti, salti, kanil og múskati saman við og hrærið. Setjið Nutella á toppinn og hitið í örbylgjuofni í þrjátíu sekúndur, síðan í fimmtán sekúndur í senn þangað til efsta lag kökunnar er orðið þurrt.

Fengið hér.