Stórsigur SönderjyskE í Íslendingaslag

SönderjyskE rúllaði yfir OB á heimavelli í dönsku úrvalsdeildinni í fótbolta í kvöld.

Lokatölur 4-0, heimamönnum í vil en með sigrinum komst SönderjyskE á topp deildarinnar. OB er hins vegar í 7. sæti með 13 stig.

Hallgrímur Jónasson og Ari Freyr Skúlason léku allan leikinn fyrir OB sem var 3-0 undir eftir 40 mínútna leik.

Thomas Dalgaard bætti svo fjórða markinu við þremur mínútum fyrir leikslok og öruggur sigur SönderjyskE staðreynd.

Baldur Sigurðsson sat allan tímann á varamannabekk SönderjyskE.