Kvikmynd um vinskap Alexander McQueen og Isabella Blow í vinnslu

Ritstjórinn Isabella Blow og fatahönnuðurinn Alexander McQueen áttu í afar stormasömu vinskap. Hún var ritstjóri hinna ýmsu tímarita og hann var ungur fatahönnuður að reyna að koma sér á framfæri þegar þau hittust fyrst. Hún kom honum á kortið og eftir það voru þau bestu vinir. Eins og hjá mörgum bestu vinum komu nokkrum sinnum upp rifrildi og dramatík.

Hún var ein áhrifamesta konan í tískubransanum í Bretlandi en Anna Wintour var á árum áður með hana undir sínum verndarvæng. Hann var einn virtasti og frumlegasti fatahönnuður okkar tíma en merkið hans er enn í dag eitt af þeim vinsælustu í heimi.

Nú á að gera mynd sem byggð er á þessum vinskap, sem framleidd verður af Maven Pictures, sem á að heita The Ripper. Það er ekki búið að tilkynna hverjir munu fara með hlutverk þeirra í myndinni. 

Isabella lést árið 2008, 48 ára gömul, og Alexander lést árið 2010, aðeins 40 ára gamall. Þau frömdu bæði sjálfsmorð.