Kveikti Steindi í leiði Bob Marley?

Nýr skemmtiþáttur hefur göngu sína á Stöð 2 á sunnudaginn og ber þátturinn nafnið Satt eða logið. Þátturinn er af breskri fyrirmynd en sumir kannast kannski við þáttinn Would I Lie To You.

Logi Bergmann Eiðsson verður þáttastjórnandi og Auðunn Blöndal og Katla Margrét Þorgeirsdóttir verða liðstjórar.

Fyrirkomulagið verður á þá leið að fjórir gestir verða í hverjum þætti, tveir í hvoru liði. Eins og áður segir verða Auddi og Katla liðsstjórar en þátturinn snýst um að segja sögur af sér og hitt liðið á að reyna að geta hvort sagan sé sönn eða lygi.

Í hádeginu í dag elduðu þeir Logi Bergmann og Auðunn Blöndal fyrir starfsfólk 365 og var þá fyrsti þátturinn frumsýndur í mötuneyti fyrirtækisins. Boðið var upp á hamborgara og plebbasalat (hvað sem það er).

Hér að neðan má sjá brot úr fyrsta þættinum.