Bílar

Ís-Band opnaði með pompi og prakt

Finnur Thorlacius skrifar
Roy Niegaard sölustjóri útflutnings Fiat Chrysler, Októ Þorgrímsson stjórnarformaður og Pétur Þorgrímsson forstjóri Ís-Band fagna áfanganum.
Roy Niegaard sölustjóri útflutnings Fiat Chrysler, Októ Þorgrímsson stjórnarformaður og Pétur Þorgrímsson forstjóri Ís-Band fagna áfanganum.
Í tilefni þess að Íslensk-Bandaríska ehf (Ís-Band) er orðið umboðsaðili fyrir Fiat Chrysler á Íslandi bauð fyrirtækið til formlegrar opnunar í sýningarsal nýrra bíla að Þverholti 6 Mosfellsbæ í gær. Fjölmargir gestir litu við og er áætlað um að 600 hundruð manns hafi mætt í hófið. 

Meðal gesta var fulltrúi Fiat Chrysler, Roy Niegaard sölustjóri útflutnings. Boðsgestir gátu litið nýjustu bíla frá Jeep  og Fiat bíla augum, en Ísband mun efna til glæsilegrar bílasýningar um helgina. Þar verður einnig boðið upp á reynsluakstur og rjúkandi heitt Lavazza kaffi ,en fjöldi góðra og skemmilegra akstursleiða er að finna í nágrenni fyrirtækisins í Mosfellsbæ.

Ís-Band er söluaðili Fiat, Chrysler, Jeep, Dodge, RAM og Alfa Romeo á Íslandi. Opið verður um helgina í Þverholti í Mosfellsbæ frá kl. 11-16 bæði laugardag og sunnudag og gestir hvattir til að koma í heimsókn.

Alls komu um 600 manns og fögnuðu opnun nýja sýningarsalarins.
Bílar Fiat og Chrysler heilluðu marga.
Fjör var í gleðskapnum.
Glæstir jeppa frá Chrysler voru til sýnis.
Gleðin skein úr augum gesta.
Margir mættu í Mosfellsbæinn.
Opið verður milli 11 og 16 bæði á morgun, laugardag og sunnudag.

Mest lesið




×

Mest lesið