Ford ætlar að nota bambus í ínnréttingar

Eitt af sterkustu náttúrulega efnum heims er bambus. Bambus gegnir margþættum notum aðallega í Asíu og er þar notaður í byggingaframkvæmdum, sem hrávara í margskonar vörur og auðvitað sem fæða. Bambus er úr svo sterku efni að það er sterkara en viður, múrsteinar og jafnvel steypa.

Þetta gera þeir sér grein fyrir hjá bílaframleiðandanum Ford og ætla að framleiða ýmsa íhluti í innréttingum bíla sinna úr bambus og blanda honum við plast svo úr verði mjög sterkt efni. Bambus er fremur ódýrt hráefni og hraðsprottið og bambus getur orðið fullsprottinn á tveimur til fimm árum. Það á almennt ekki við annan trjágróður.

Mesta magn bambus í heiminum er að finna í Kína. Verkfræðingar Ford hafa komist að því að bambus er á flestan hátt betra hráefni en þau gerviefni sem notuð hafa verið mest í innréttingum bíla, hefur mikinn styrk, er afar sveigjanlegt, er endurnýjanlegt, þolir mikinn hita og er til í miklu magni.

Ekki er ljóst hvenær bambus íhlutir fara að sjást í bílum Ford, en Ford notar nú þegar algerlega náttúruleg efni í smíði innréttinga í bílum fyrirtækisins. Stefnan er þó ljós, bambus verður notaður við smíði Ford bíla.