Nýr Jeep Compass frumsýndur

Íslensk-Bandaríska frumsýnir nýjasta fjölskyldumeðlim Jeep,  Jeep Compass laugardaginn 26. ágúst á milli kl. 12-17 að Þverholti 6 Mosfellsbæ.  Jeep Compass er ný hönnun frá grunni, sem byggir á hinni þjóðsagnakenndu hefð sem Jeep hefur haft undanfarin 75 ár í framleiðslu fjórhjóladrifinna jeppa,  ásamt því að vera leiðandi framleiðandi fjórhjóladrifinna bifreiða. 

Einstök hönnun, öflugt háþróað fjórhjóladrif og aflmikil vél, veitir Jeep Compass ótvírætt forskot í sínum stærðarflokki.  Þrátt fyrir nýtt útlit, má strax sjá auðþekkjanleg einnkenni Jeep í honum.  Hægt er að velja um 4 drifstillingar á fjórhjóladrifinu, allt eftir því hvernig akstursaðstæður eru á vegum eða vegleysum, sem tryggir bíl og ökumanni hámarksgrip og akstursfærni.

Compass verður fyrst um sinn fáanlegur með 2.0 lítra 170 hestafla díselvél, með 9 þrepa sjálfskiptingu,  en einnig verður hægt að velja um 2.0 lítra 140 hestafla díselvél, sem og 1.4 lítra 170 hestafla bensínvél.  Jeep Compass er mjög vel útbúinn og ekkert er til sparað til að tryggja sem mest öryggi farþega og ökumanns.  Má hérna nefna 6 loftpúða og árekstaravara sem staðalbúnað.  Jeep Compass Limited kostar frá 5.890.000 kr.  Við frumsýningu á Jeep Compass er í boði Limited í sérstakri “Opening Edition” og kostar hann frá 6.260.000 kr.

Þá mun Íslensk-Bandaríska einnig frumsýna nýja útgáfu af Jeep Grand Cherokee, Trailhawk.  Trailhawk er torfæruútgáfa sem kemur með læsingu, grófari dekkjum, hlífðarplötum undir bíl o.m.fl. Jeep Grand Cherokee Trailhawk kostar frá kr. 10.350.000 og er eins og aðrir Grand Cherokee með 3.0 lítra 250 hestafla díselvél og 8 gíra sjálfskiptingu.

Boðið verður upp á reynsuakstur á nýja Jeep Compass, auk þess verða aðrir jeppar frá Jeep til prufu.  Kaffiþjónar frá Lavazza munu töfra fram ítalskt eðalkaffi, auk þess sem krakkarnir fá Appelsín, Lion og Mentos.