Alli fékk eins leiks bann fyrir fokkmerkið

Enski landsliðsmaðurinn Dele Alli var í dag dæmdur í eins leiks bann fyrir fokkmerkið sem hann bauð heiminum upp á er England spilaði gegn Slóvakíu á dögunum.

Í fyrstu var talið að hann hefði gefið dómaranum fokkmerki en Alli sagði síðar á Twitter að þetta hefði verið brandari á milli hans og Kyle Walker. Puttanum hefði verið bent að Walker.

Alli var einnig sektaður um tæpar 550 þúsund krónur fyrir athæfið sem þykir ekki til eftirbreytni að mati FIFA.

Þetta þýðir að Alli mun missa af heimaleik enska landsliðsins gegn Slóvakíu næsta fimmtudag en verður löglegur í leiknum gegn Litháen á sunnudag eftir viku.