Fjölmargir í hláturskasti á forsýningu Steypustöðvarinnar

Önnur þáttaröðin af Steypustöðinni hefur göngu sína á Stöð 2 föstudagskvöldið 26. janúar. Fyrsti þátturinn verður í opinni dagskrá en í hádeginu í dag var fyrsti þátturinn forsýndur í Kringlubíói.

Aðalleikararnir Auðunn Blöndal, Steindi Jr., Saga Garðarsdóttir og Sveppi voru að sjálfsögðu mætt á svæðið ásamt leikstjóranum Ágústi Bent.

Að sögn viðstaddra var mikið hlegið í salnum og fékk þátturinn góðar viðtökur. Vilhelm Gunnarsson, ljósmyndari Vísis, var á svæðinu og fangaði hann meðfylgjandi myndir frá forsýningunni.