Kevin Smith fékk mjög alvarlegt hjartaáfall

Leikstjórinn vinsæli Kevin Smith fékk mjög alvarlegt hjartaáfall um helgina en hann greinir sjálfur frá því á samfélagsmiðlum.

Smith setur inn langa færslu á Facebook í dag þar sem hann lýsir atburðarásinni. Hann átti að koma fram á uppistandi í Kaliforníu í gærkvöldi en gat eðlilega ekki staðið við þá skuldbindingu.

„Mér var töluvert óglatt og byrjaði að kasta nokkrum sinnum upp,“ segir Kevin í færslu sinni á Facebook.

„Allt í einu fer ég að svitna sjúklega mikið og finn síðan til við brjóstið. Það kemur síðan í ljós að ég fékk mjög alvarlegt hjartaáfall.“

Smith létti sig um fjörutíu kíló árið 2015 eftir að hann fékk þau skilaboð frá læknum að hann væri orðinn allt of þungur. Hér að neðan má sjá færsluna frá leikstjóranum fræga sem gerði garðinn frægan með kvikmyndum á borð við Clerks, Mallrats, Chasing Amy og Dogma.