Hataðasti maður Bandaríkjanna fær að vera viðstaddur fæðinguna

Khloe Kardashian mun leyfa Tristan Thompson að vera viðstaddan fæðingu dóttur þeirra. Þetta kemur fram í hinum virta slúðurmiðli TMZ.

Fjölmiðlar um heim allan hafa greint frá ítrekuðu framhjáhaldi körfuboltamannsins sem hefur síðustu ár verið í sambandi með raunveruleikastjörnunni Khloe Kardashian. 

Khloe á von á sér á allra næstu dögum og hafa aðdáendur hennar bugðist mjög harkalega við framhjáhaldsfréttum um Thompson.

TMZ greinir frá því að Khloe muni ekki standa í vegi fyrir því að Thompson verði viðstaddur fæðingu barnsins.

Heimildarmenn TMZ segja að Khloe sé niðurbrotin og eigi mjög erfitt með að takast á við síðustu atburði.

Erlendir miðlar greina frá því að raunveruleikastjarnan hafi upplifað fyrstu samdráttarverkina í gær og því er lítil stúlka á leiðinni í heiminn.