Silverstone og Jarecki skilin eftir tuttugu ára hjónaband

Clueless-stjarnan Alicia Silverstone og Christopher Jarecki eru skilin að borði og sæng. Í febrúar á þessu ári sögðust þau vera hætt saman eftir að hafa verið gift í meira en tvo áratugi.

„Þau elska og virða enn hvort annað mjög mikið og ætla að halda áfram að vera nánir vinir. Þau hafa tekið sameiginlega ákvörðun um að skilja eftir að hafa verið saman í tuttugu ár. Saman eiga þau son og þau hyggjast áfram hjálpast að við foreldrahlutverkið,“ hefur E online eftir fjölmiðlafulltrúa Silverstone.

Sonur þeirra heitir Bear Blue Jarecki og er sex ára.