Öryggismyndavélar náðu upptöku af Dr. Phil að aka bifreið á hjólabrettamann

Hinn heimsþekkti sjónvarpssálfræðingur Dr. Phil ók bifreiði sinni á hjólabrettakappa í október á síðasta ári.

Maðurinn hefur haldið því fram að hann hafi stórslasast í kjölfarið og ætlaði hann sér í hart við Phil.

Nú er það komið í ljós að myndband af atvikinu náðist á öryggismyndavélakerfi í grennd við slysstað og sést þar greinilega að Dr. Phil fer utan í manninn en slysið virðist ekki vera alvarlegt, ekki alvarlegra en svo að hjólabrettakappinn gengur auðveldlega í burtu.

Atvikið átti sér stað við bílastæðahús í Universial skemmtigarðinum í Hollywood.

Slúðurmiðilinn TMZ ræddi við lögfræðing hjólabrettamannsins fræga og tjáði hann miðlinum að hann væri hættur við lögsókn og hafi sú ákvörðun verið tekin eftir að myndbandið fannst.