ABC hefur tilkynnt næsta piparsvein

Þættirnir The Bachelor njóta sífellt meiri vinsælda um heim allan og sérstaklega í Bandaríkjunum.

Framundan er 23. þáttaröðin af þáttunum vinsælu þar sem fjölmargar konu keppa um hjarta eins piparsveins.

Nú er búið að tilkynna næsta piparsveininn.



Höskuldarviðvörun: Þeir sem hafa ekki horf á nýjustu þáttaröðina af The Bachelor og vilja alls ekki vita hvaða einstaklingur verður næsti piparsveinn ættu ekki að lesa lengra.

.

.

.

.

.

Það er búið að vara þig við.

.

.

.

.

.

.



Næsti piparsveinn heitir Colton Underwood og hefur hann heldur betur komið við sögu áður í þáttunum. Hann barðist um hjarta Beccu Kufrin í síðustu þáttaröð af The Bachelorette og var hann með síðustu mönnum sem féllu úr leik.

Í þeirri seríu kom í ljós að Colton er hreinn sveinn og opnaði hann sig um það fyrir bandarísku þjóðinni. Eftir þá þáttaröð tók Colton þátt í Bachelor in Paradise og eru margir að fylgjast með þeirri þáttaröð í dag. Þar var hann í nokkuð alvarlegu sambandi með Tia Booth og svo virðist sem því sé nú lokið.

„Við erum loksins komin á þann stað í okkar sambandi að vera góðir vinir,“ segir Colton í samtali við Michael Strahan í morgunþættinum vinsæla Good Morning America í tengslum við samband hans við Tiu.

„Það tók mig þessar tvær seríur til að átta mig á hvernig manneskja ég er og hvernig lífsförunaut mig langar að eyða ævinni með. Ég vona að þetta endi allt með því að ég fari á skeljarnar og biðji einhverja konu um að giftast mér.“

Þættirnir eru sýndir á ABC í Bandaríkjunum og um allan heim.