Ellen kom pari sem hafði misst allt á óvart

Slökkviliðsmaðurinn Eric Johnson var einn af fyrstu viðbragðsaðilum sem mættu á svæðið þegar skógareldur kom upp í Yosemite í Kaliforníu á dögunum og þegar leið á náði eldurinn inn í heimabæ Johnson Redding.

Í kjölfarið missti hann og kærastan hans Hope heimilið sitt og allar eigur. Bandaríski þáttastjórnandinn Ellen ákvað á dögunum að koma Johnson á óvart í þætti sínum en undanfarnar vikur hafa vinir og vandamenn safnað fé til stuðnings þeirra tveggja.

Mörg þúsund heimili skemmdust í eldsvoðanum og eitt þeirra var heimili parsins. Húsið þeirra gjöreyðilagðist og  ná tryggingarnar aðeins yfir hluta af tjóninu.

Vinir þeirra hafa nú þegar safnað rúmlega 1,2 milljónum króna en Ellen ákvað að fara með þá tölu upp í fimm milljónir króna sem er rúmlega það sem upp á vantaði.

Viðbrögð parsins voru eðlilega mikil eins og sjá má hér að neðan.