Sigga Kling nakin til stuðnings Álftnesingum

„Við fæddumst nakin og eins og Jean Paul Gaultier segir að allt eftir það er bara drag,“ segir spákonan Sigga Kling í samtali við Vísi.

Næstkomandi laugardagskvöld standa Álftnesingar fyrir stuðningsmannakvöldi og er ljóst að Sigga Kling er einn harðasti stuðningsmaður Álftanes á landinu. Sigga situr fyrir nakin í myndbandi sem birt er á Facebook til að vekja athygli á viðburðinum.

„Svo er ég með stærsta handgerða hattinn í Evrópu til að skýla litlu bollunum og öðru. Ég fer úr öllu fyrir fótbolta og íþróttir, maður gerir bara það sem þarf að gera,“ segir Sigga og bætir við að hún hafi brotið þrjár trommur á síðasta leik Álftanes í 4.deildinni, slíkur var æsingurinn.

Hér að neðan má sjá myndbandið.