Fleiri lokatölur úr laxveiðiánum

Nú loka laxveiðiárnar hver af annari og þær lokatölur sem voru birtar í gær gefa til kynna að ágætt veiðisumar sé að verða um garð gengið.

Landssamband Veiðifélaga birtir nýjar tölur úr ánum í gær og þar af lokatölur úr nokkrum ám.  Það hafa þegar verið birtar lokatölur úr Norðurá en hún endaði í 1.692 löxum á móti 1.719 löxum í fyrra.  Lokatölur sem síðan hafa bæst við eru hér upptaldar með lokatölu sumarsins fyrir aftan ána og lokatölu síðasta árs í sviga þar fyrir aftan.

Haffjarðará - 1.545 laxar (1.167)

Elliðaárnar - 960 laxar (890)

Laxá í Aðaldal - 608 laxar (709)

Straumfjarðará - 349 laxar (352)

Búðardalsá - 331 lax (255)

Straumarnir - 215 laxar (277)

Laugardalsá - 198 laxar (175)

Topp fimm listinn hefur ekki breyst síðan í síðustu viku að öðru leiti en að Miðfjarðará er komin upp fyrir Þverá og Kjarrá. Eystri Rangá trónir ennþá á toppnum og Ytri er skammt á hæla hennar og það er eflaust smá keppni milli þessara tveggja á lokavikunum um hvor þeirra verður aflahærri þegar tímabilinu lýkur.  Topp fimm listinn er hér að neðan en listann í heild sinni má finna á www.angling.is

1. Eystri Rangá - 3.733

2. Ytri Rangá - 3.593

3. Miðfjarðará - 2.602

4. Þverá og Kjarrá - 2.455

5. Norðurá - 1.692