Spurning vikunnar: Hvor aðilinn bar upp bónorðið?

Í spurningu síðustu viku Makamála var verið að leitast eftir áliti fólks á því hvor aðilinn í gagnkynhneigðum samböndum ætti að bera upp bónorðið. Í gegnum tíðina hefur sú hefð myndast að karlmaðurinn sé aðilinn sem biðji konu sinnar en með breyttum tímum og auknu jafnrétti kynjanna hefur viðhorf fólks breyst.

En eins og með svo margt þá tekur það tíma fyrir hefðir að breytast þó svo að viðhorfið sé orðið opnara. 

Spurning vikunnar að þessu sinni er því nokkurs konar framhald af síðustu spurningu. Makamál vilja taka það fram að spurning á við gagnkynhneigð sambönd og verið er að leitast eftir því að sjá hvort að hefðin hafi breyst í samræmi við opnara viðhorf. 

Í sumum tilvikum er gifting sameiginleg ákvörðun án þess að bónorð komi til sögu því er sá kostur einn af svarmöguleikunum.

Spurning vikunnar að þessu sinni er því þessi: 

Hvor bar upp bónorðið?

Spurningin á við alla þá sem eru giftir, hafa verið giftir eða trúlofast á einhverjum tíma.