Nýir sjúkrabílar í Dúbæ eru Nissan GT-R og C7 Corvette

Sennilega er að finna í Dúbæ bókstaflega neyðarþjónustuna með besta viðbragðið. Það er erfitt að fara hraðar í götubíl frá kyrrstöðu upp í 100 km/klst en í Nissan GT-R.

Viðbragðsaðilar eru almennt frekar fljótir í förum í Dúbæ. Lögreglubílaflotinn vakti athygli fyrir nokkru en hann státar af Bugatti Veyron bifreiðum, fleiri en einni, Lamborghini Aventadors, Aston Martin One-77 og Porsche 918 Spyder til að nefna þá helstu.

Sá floti er því líklegur til að hafa haft áhrif á val á sjúkrabílum, þegar kom að því að uppfæra þann flota.

Vélin í Corvette C7 Grand Sport er 6,2 lítra V8 og skilar 460 hestöflum. Nissan GT-R gerir raunar enn betur, vélin í honum er 3,8 lítra V6 og skilar 550 hestöflum. Nissan-inn getur farið frá kyrrstöðu upp í 100 km/klst á undir þremur sekúndum. Corvette-an er litlu hægari en hún er um fjórar sekúndur í 100 km/klst.