Myndband: Tesla Sentry Mode nær athyglisverðum myndskeiðum

Tesla Sentry Mode eru myndavélarnar á Tesla bílum sem taka upp og vista myndbönd ef einhverjir atburðir eiga sér stað nærri bílnum. Eins og gefur að skilja og sjá má í meðfylgjandi myndbandi geta ýmis athyglisverð atvik átt sér stað nærri Tesla-bifreiðum.

Vafasamt aksturslag, skondin atvik og árekstrar eru meðal þess sem sjá má á myndböndum úr Tesla bifreiðum. Í einhverjum tilfellum hefur myndefnið nýst til að leysa úr ágreiningi um atburðarás. Myndböndin eru tekin saman af Youtube-rásinni Wham Baam Telsacam.

Hér að neðan á til dæmis sjá flutningabíl aka utan í fólksbíl í Þýskalandi sem olli því að fólksbíllinn valt. Þar kom myndefnið sér vel. Seinna í myndbandinu má sjá Tesla aka á sjálfstýringu og keyra yfir dádýr sem lá á veginum. Þá hafi sjálfvirk neyðarhemlun ekki virkjast.