„Megi ævintýrin halda áfram á öðrum stað“

„Fyrsta heimilið okkar Braga þar sem tvær sjónvarpsseríur af Lifum lengur urðu til, á annan tug hlaðvarpa fór í loftið, barnabókin Nína Óskastjarna var skrifuð, kvikmyndahandritið af Birtu, myndinni okkar var skrifað og varð að mynd undir leikstjórn Braga og síðast en ekki síst þar sem Jakob Örn augasteinninn okkar kom í heiminn.“

Helga segir að afköstin hafi verið góð í þessari íbúð.

„En fyrst og fremst höfum við átt yndislegt heimili í góðu hverfi sem hefur haldið vel utan um fjölskylduna og látið okkur líða vel í allri þessari sköpunarvinnu. Megi ævintýrin halda áfram á öðrum stað og yndisleg fjölskylda taka við keflinu í Drápuhlíðinni.“

Um er að ræða 114 fermetra hæð en ásett verð er 68,5 milljónir. Alls eru fjögur svefnherbergi í íbúðinni en hér að neðan má sjá myndir af heimili þeirra.