Tuttugu stiga hiti tuttugu daga í röð en þó ekki í Reykjavík

Trausti Jónsson, veðurfræðingur sem heldur úti vefnum Hungurdiskar, greinir frá þessu í samtali við Morgunblaðið í dag.

Á þriðjudaginn fór hitinn hæst í 23 gráður á Egilsstöðum en í gær varð hann mestur 16,3 stig á Húsavík. Líklegt er að hiti fari yfir tuttugu stiga múrinn á Norður- eða Austurlandi í dag.

Segja má að tuttugu daga tuttugu stiga syrpan sé söguleg en aðeins einu sinni áður hefur svo hár hiti mælst yfir lengri tíma. Árið 2012 voru 23 samfelldir dagar þar sem hitinn náði því marki en tímabilinu lauk 18. ágúst það ár.

Trausti nefnir að í ár sé hlýjasta byrjun á Norður- og Austurlandi. Tiltölulega hlýtt hefur verið í Reykjavík en en hæsti hiti mældist 19,8 stig á Geldingarnesi þann 29. júní. Enn eru þó eftir þeir dagar sumarsins þar sem hitinn er allajafna hæstur.