Jólahlaðborðið sent heim

Sífellt fleiri nýta sér þann kost að fá jólahlaðborðið sent heim. Guðmundur Óli Sigurjónsson, matreiðslumaður og eigandi Matarkompanís segir marga vilja njóta aðventunnar í smærri hópum í ljósi aðstæðna og stórfjölskyldur, vinahópar og vinnustaðir nýti sér þennan kost í talsverðum mæli. þægindin verði varla meiri.

„Við sendum allt tilbúið og fulleldað. Það eina sem þarf að gera er að leggja á borð og segja gjörið svo vel,“ segir Guðmundur en Matarkompaní býður upp á hlaðborð fyrir 10, 20 og 30 manns.

Jólahlaðborðið er allt er hið glæsilegasta og inniheldur dýrindis jólarétti.

Forréttirnir eru heimagrafinn lax í sítrónu og fersku dilli, einnig heimareyktur lax og grafin gæsabringa með fennel og rósapipar, villibráðapaté, lauksulta, skógaberjasósa, hunangssinneps graflax sósa, heimabakað brauð og þeytt smjör.

Aðalréttir eru heldur ekki af verri endanum; Purusteik með negulnöglum og lárviðarlaufum, kalkúnabringa í appelsínu-rósmarin marineringu bakað rótargrænmeti með balsamikgljáðum lauk, sykurbrúnar kartöflur og heimagert rauðkál ásamt koníaks piparsósu.

Í eftirrétt er boðið upp á Créme brulée og súkkulaðimús með mandarínu og bökuðu hvítu súkkulaði.

Einnig er hægt að panta veganrétti á jólahlaðborðið, til dæmis rauðrófucarpaccio, hnetusteik með viðeigandi meðlæti og eplaköku með vegan karamellurjóma.

Hægt er að panta jólahlaðborð Matarkompanísins hér. Heimsending innifalin á höfuðborgarsvæðinu.