Þjófstart á þremur veiðistöðum

Í það minnsta tveir veiðimenn voru að gera sig klára við Helluvatn í Elliðavatni á laugardaginn þegar vegfarandi benti á að veiði hefst ekki í vatninu fyrr en á sumardaginn fyrsta og tóku þessir ágætu veiðimenn þessum tilmælum vel og héldu annað til veiða. Það má benda á að veiði í Vífilstaðavatni hefst 1. apríl.

Einn veiðimaður var tekinn í landhelgi í Hlíðarvatni í Selvogi  en ekki fylgir sögunni hvort það hafa eitthvað veiðst hjá þeim ágæta manni en ekki náðist að benda honum á að veiði væri ekki hafinn því hann lét sig hverfa stuttu eftir að sást til hans. Við Þingvallavatn voru nokkrir komnir við bakkann á laugardagsmorgun en stoppuðu stutt við. Þeim var bent á það að veiði hefst í vatninu 20. apríl. Það vakti athygli þeirra sem snéru þeim frá að þarna var verið að setja saman stangir til beituveiða í þjóðgarðinum og að lyktin úr beituboxinu hafi bent til þess að um Makríl eða Saura hafi verið að ræða en samkvæmt veiðireglum er aðeins leyfilegt að veiða á flugu, maðk og spón.