Aron hetja Horsens í Íslendingaslag

Nafnarnir byrjuðu báðir á varamannabekkjum sinna liða, en komu inn á á sama tíma þegar rétt rúmar tuttugu mínútur voru til leiksloka.

Þegar þeir félagar komu inn af varamannabekknum var staðan 2-1, OB í vil.

Aron var ekki lengi að setja mark sitt á leikinn fyrir Horsens því hann jafnaði metin fyrir liðið með marki af vítapunktinum á 73. mínútu, aðeins fjórum mínútum eftir að hann hafði komið inn af varamannabekknum.

Niðurstaðan varð því 2-2 jafntefli og liðin skiptu stigunum á milli sín. Odense situr í öðru sæti neðri hluta dönsku deildarinnar með 36 stig þegar deildarkeppninni er að ljúka, en Horsens situr í tíunda sæti með 27 stig.