Sann­kallað sumar­veður um helgina

Þetta kemur fram í hugleiðingum veðurfræðings á vef Veðurstofunnar. Þar segir að það verði fremur svalt í þokumóðu eða súld við sjávarsíðuna í morgunsárið, en hlýni talsvert þegar sólir leysi þokubakkana upp. Hiti veður á bilinu níu til nítján stig í dag, hlýjast suðvestanlands.

„Sólin mun sýna sig eitthvað í öllum landshlutum um helgina nema síst í þokulofti og súld úti við norður- og austurströndina. Hitatölur munu nálgast 20 stig á Suðurlandi í dag, en jafnvel 21 til 23 stig á stöku stað vestan- og norðanlands hina dagana.

Ef ekki er rétti tíminn að fara í gönguferðir og útilegu eftir þessa veðurspá, þá hvenær,“ spyr veðurfræðingur.

Veðurhorfur á landinu næstu daga

Á laugardag: Breytileg átt, 3-8 m/s, en norðaustan 8-13 við suðausturströndina. Dálítil væta öðru hvoru á austanverðu landinu, en annars yfirleitt bjartviðri. Hiti víða 13 til 20 stig, en sums staðar hlýrra í innsveitum.

Á sunnudag: Norðaustan 3-10 m/s og rigning með köflum, en yfirleitt þurrt og bjart sunnan- og vestanlands. Hiti 12 til 22 stig, hlýjast á Suðurlandi, en mun svalara við sjávarsíðuna fyrir norðan.

Á mánudag: Norðlæg átt, 5-13 m/s og skýjað, en víða bjartviðri sunnan heiða. Hiti 8 til 18 stig, mildast suðvestanlands.

Á þriðjudag: Norðlæg átt og dálítil rigning, en þurrt að kalla á vestanverðu landinu og kólnar í veðri.

Á miðvikudag: Norðlæg eða breytileg átt og dálitlar skúrir. Hiti 5 til 15 stig, mildast sunnanlands.

Á fimmtudag: Útlit fyrir ákveðna norðanátt með rigningu, en þurrt að mestu syðra.