Sonur Kims Kardashian hitti Ronaldo

Kardashian og sjö ára sonur hennar, Saint, voru á vellinum þegar Al-Nassr, sem Ronaldo leikur með, mætti Paris Saint-Germain í æfingaleik í Japan í fyrradag.

Ronaldo spilaði fyrstu 65 mínúturnar í leiknum sem endaði með markalausu jafntefli.

Eftir leikinn rættist draumur Saints þegar hann hitti Ronaldo í búningsklefanum ásamt vini sínum. Þeir tóku meðal annars Siuuu fagnið fræga sem er einkennisfagn Ronaldos.

Á föstudaginn voru Kardashian-mæðginin svo í stúkunni þegar Lionel Messi lék sinn fyrsta leik fyrir Inter Miami. Argentínumaðurinn tryggði bandaríska liðinu þá sigur á Cruz Azul frá Mexíkó með marki beint úr aukaspyrnu.