Lítið lát á aust­lægu áttunum

Þetta kemur fram í hugleiðingum veðurfræðings á vef Veðurstofunnar. Hiti verður um frostmark í innsveitum fyrir norðan, en fer upp í átta stiga hita syðst.

„Um helgina er útlit fyrir svipað veðurlag áfram en hægari vindur og þá kólnar heldur og hálka getur verið varasöm.

Eftir helgi benda spár til að umhleypinga sé von svo þá er líklega friðurinn úti,“ segir á vef Veðurstofunnar.

Veðurhorfur á landinu næstu daga

Á föstudag: Suðaustan 5-10 m/s og rigning eða slydda með köflum sunnantil, en hægari vindur og þurrt annars staðar. Hiti 0 til 7 stig, hlýjast syðst.

Á laugardag: Austan 5-15 m/s, hvassast syðst. Skýjað að mestu, en dálítil væta með suður- og austurströndinni. Hiti 0 til 6 stig, mildast sunnantil.

Á sunnudag: Hæg norðaustlæg eða breytileg átt og rigning eða slydda austanlands, en annars þurrt. Hiti víða kringum frostmark, en 1 til 5 stig við sjávarsíðuna.

Á mánudag: Hæg suðlæg eða breytileg átt og skýjað með köflum, en slydda nyrst og austast í fyrstu. Svalt í veðri. Vaxandi sunnanátt með hlýnandi veðri og fer að rigna vestast um kvöldið.

Á þriðjudag: Ákveðin sunnan- og síðar suðvestanátt með rigningu og hlýnandi veðri, en skúrir eða slydduél og kólnar aftur vestantil.

Á miðvikudag: Útlit fyrir ákveðna suðvestanátt með skúrum eða éljum og svölu veðri, en þurrt austantil.