Albert ekki í landsliðshópnum

Albert má ekki vera í hópi Íslands þar sem ekki hefur enn verið unnið úr kæru á niðurfellingu á meintu kynferðisbrotamáli. Alberti var heimilt að leika í síðasta landsliðsglugga í mars vegna undanþágu.

Albert var þá valinn í hópinn eftir niðurfellingu málsins en sú niðurfelling var kærð eftir að hópurinn hafði verið valinn og verkefnið hafið. Stjórn KSÍ hafði þá samþykkt að leikmaður mætti klára verkefni sem stæði yfir þrátt fyrir að mál yrði kært.

Nú er hins vegar nýtt verkefni, málið enn á borði ákæruvalds og Albert því ekki gjaldgengur.

Ef til vill vekur mesta athygli að Bjarki Steinn Bjarkason, leikmaður Venezia, og Hlynur Freyr Karlsson, leikmaður Haugesund eru í hópnum.

Þá er einnig athyglisvert að Arnór Sigurðsson sé í landsliðshópnum en hann hefur verið frá vegna meiðsla sem hann hlaut í leik Íslands og Ísrael í mars. Arnór hefur ekki leikið fyrir félag sitt Blackburn Rovers síðan.

Rúnar Alex Rúnarsson er áfram utan hópsins en Hákon Rafn Valdimarsson, Elías Rafn Ólafsson og Patrik Sigurður Gunnarsson skipa markvarðarsætin.

Ísland mætir Englandi á Wembley 7. júní og Hollandi á De Kuip í Rotterdam 10. júní er liðin undirbúa sig fyrir EM í Þýskalandi. Leikirnir verða báðir sýndir á Stöð 2 Sport.

Hópurinn

Markmenn:

Hákon Rafn Valdimarsson - Brentford FC - 9 leikir

Elías Rafn Ólafsson - C. D. Mafra - 6 leikir

Patrik Sigurður Gunnarsson - Viking FK - 4 leikir

Varnarmenn:

Kolbeinn Birgir Finnsson - Lyngby Boldklub - 10 leikir

Guðmundur Þórarinsson - OFI Crete F.C. - 15 leikir

Sverrir Ingi Ingason - FC Midtjylland - 49 leikir, 3 mörk

Daníel Leó Grétarsson - Sonderjyske Fodbold - 17 leikir

Hlynur Freyr Karlsson - FK Haugesund - 1 leikur

Brynjar Ingi Bjarnason - HamKam - 16 leikir, 2 mörk

Alfons Sampsted - FC Twente - 21 leikur

Miðjumenn:

Bjarki Steinn Bjarkason - Venezia FC - 2 leikir

Ísak Bergmann Jóhannesson - Fortuna Düsseldorf - 25 leikir, 3 mörk

Stefán Teitur Þórðarson - Silkeborg IF - 19 leikir, 1 mark

Hákon Arnar Haraldsson - LOSC Lille - 17 leikir, 3 mörk

Jóhann Berg Guðmundsson - Burnley F.C. - 91 leikur, 8 mörk

Arnór Ingvi Traustason - IFK Norrköping - 56 leikir, 6 mörk

Kristian Nökkvi Hlynsson - AFC Ajax - 1 leikur

Arnór Sigurðsson - Blackburn Rovers F.C. - 31 leikur, 2 mörk

Mikael Egill Ellertsson - Venezia FC - 15 leikir, 1 mark

Mikael Neville Anderson - AGF - 26 leikir, 2 mörk

Jón Dagur Þorsteinsson - OH Leuven - 35 leikir, 4 mörk

Willum Þór Willumsson - Go Ahead Eagles - 9 leikir

Sóknarmenn:

Orri Steinn Óskarsson - FC Kobenhavn - 8 leikir, 2 mörk

Andri Lucas Guðjohnsen - Lyngby Boldklub - 22 leikir, 6 mörk