AC Milan missti niður unninn leik

AC Milan virtist hafa unnið leik sinn í fyrri hálfleik eftir tvö mörk frá Rafael Leão og Oliver Giroud. Þá skoraði Theo Hernández þriðja markið en það var dæmt af vegna rangstöðu og staðan 2-0 í hálfleik.

Simy minnkaði muninn fyrir gestina en Davide Calabria kom AC Milan 3-1 yfir skömmu síðar. Gestirnir neituðu hins vegar að gefast upp og Junior Sambia minnkaði muninn þegar þrjár mínútur voru til leiksloka og Simy jafnaði metin undir lok venjulegs leiktíma. Lokatölur á San Siro í Mílanó 3-3 og AC Milan endar með 75 stig í 2. sæti deildarinnar.

Þá vann Juventus 2-0 sigur á Monza þökk sé mörkum Federico Chiesa og Alex Sandro í fyrri hálfleik. Juventus endar í 3. sæti með 71 stig nema Atalanta vinni síðustu tvo leiki sína en liðið fékk frí vegna þátttöku sinnar í Evrópudeildinni.

Juventus er í þjálfaraleit eftir að láta Massimiliano Allegri eftir að liðið hafði tryggt sér ítalska bikarinn. Talið er næsta öruggt að Thiago Motta, þjálfari Bologna sem endaði í 4. sæti, taki við Juventus.