Fótbolti

Loks vann Totten­ham

Runólfur Trausti Þórhallsson skrifar
Skoraði tvö.
Skoraði tvö. Harry Murphy/Getty Images

Tottenham Hotspur er í góðum málum í Evrópudeild karla í knattspyrnu eftir 3-2 útisigur á Hoffenheim. Gestirnir frá Lundúnum höfðu ekki unnið í síðustu þremur leikjum sínum í Evrópu en lönduðu mikilvægum þremur stigum í kvöld.

James Maddison kom gestunum yfir strax á þriðju mínútu eftir undirbúning Pedro Porro. Maddison lagði svo upp annað markið en það skoraði Son Heung-Min. Staðan 0-2 í hálfleik.

Hoffenheim minnkaði muninn í 1-2 áður en Son gerði út um leikinn með öðru marki sínu og þriðja marki gestanna á 77. mínútu. Heimamenn klóruðu í bakkann en nær komust þeir ekki og Spurs vann mikilvægan sigur.

Tottenham er nú í 4. sæti með 14 stig að loknum sjö umferðum. Ein umferð er eftir og að henni lokinni fara efstu átta lið deildarkeppninnar í 16-liða úrslit á meðan liðin í 9. til 24. sæti fara í umspil um sæti í 16-liða úrslitum.

Önnur úrslit

  • AZ Alkmaar 1-0 Roma
  • Bodo/Glimt 3-1 Maccabi Tel Aviv
  • Porto 0-1 Olympiacos
  • Fenerbahce 0-0 Lyon
  • Malmö 2-3 Twente
  • Plzen 2-0 Anderlecht
  • Qarabag 2-3 FCSB
Fótbolti Evrópudeild UEFA

Mest lesið


Fleiri fréttir

Sjá meira


×

Mest lesið