Sögðu danskri landsliðskonu að fara heim að vaska upp

Svíar unnu leikinn 6-1 en Danir hefðu unnið riðilinn með sigri. Þess í stað enduðu þær í umspilinu með íslenska kvennalandsliðinu.

Þetta var líka slæmur dagur fyrir dönsku stórstjörnuna Pernille Harder sem var skotspónn sjá stuðningsmönnum sænska liðsins í þessum leik.

Sænsku stuðningsmennirnir voru með borða sem stóð á stórum stöfum: Pernille sér um uppvaskið. NRK segir frá.

Harder er í sambandi með sænsku landsliðskonunni Magdalena Eriksson. Fyrir leikinn ákváðu þær að sú sem tapaði þessum leik myndi vaska upp leirtauið á heimili þeirra.

„Þetta er fullkomið þvi hún er vanalega sú sem vaskar upp hjá okkur. Hún heldur því bara áfram,“ sagði Magdalena Eriksson létt við Ekstra Bladet eftir leikinn.