Að mestu létt­skýjað fyrir sunnan og vestan

Gert er ráð fyrir rigningu með köflum á norðanverðu landinu en snjókoma til fjalla. Léttskýjað sunnan heiða, en síðdegisskúrir á Suðausturlandi. Austan þrír til átta metrar á sekúndu og dálítil rigning á Breiðafirði og Vestfjörðum í kvöld.

Hiti verður á bilinu þrjú til fjórtán stig, hlýjast syðst, en kringum frostmark til fjalla.

Vestan og norðvestan kaldi á morgun, en fremur hæg breytileg átt á sunnudag. Skúrir eða rigning í öllum landshlutum. Svalt á norðanverðu landinu, en mildara sunnan heiða,“ segir á vef Veðurstofunnar.

Veðurhorfur á landinu næstu daga

Á laugardag: Norðan 3-8 m/s, en norðvestan 8-13 við norðausturströndina. Dálítil rigning eða slydda á Norðurausturlandi en skúraleiðingar sunnanlands. Hiti 1 til 12 stig, hlýjast á Suðausturlandi.

Á sunnudag (hvítasunnudagur): Hæg breytileg átt. Skýjað og súld eða dálítil slydda með köflum norðanlands, skúrir sunnantil, en þurrt að kalla á Austurlandi. Hiti 3 til 11 stig, hlýjast syðst.

Á mánudag (annar í hvítasunnu): Hæg norðlæg eða breytileg átt og skúrir, einkum á sunnanverðu landinu. Hiti 4 til 11 stig.

Á þriðjudag: Hæg breytileg átt og stöku skúrir, en bjart með köflum norðan- og austantil. Hiti 5 til 12 stig.

Á miðvikudag: Vaxandi suðaustanátt með rigningu og hlýnandi veðri en skýjað með köflum norðaustanlands.

Á fimmtudag: Útlit fyrir hlýrri suðaustlægri átt með rigningu.