Fótbolti

Sunn­eva lagði upp fyrir framan metfjölda á­horf­enda

Hjörtur Leó Guðjónsson skrifar
Sunneva Hrönn Sigurvinsdóttir lagði upp fyrra mark FCK í dag.
Sunneva Hrönn Sigurvinsdóttir lagði upp fyrra mark FCK í dag. Instagram/fc_kobenhavn_2024

Sunneva Hrönn Sigurvinsdóttir lagði upp fyrra mark FCK er liðið vann 2-1 sigur gegn Næstved fyrir framan metfjölda áhorfenda á Parken í dag.

Sunneva var í byrjunarliði FCK, sem hafði þegar tryggt sér efsta sæti deildarinnar fyrir leikinn í dag. Liðið hafði því að litlu að keppa, en stefnt var að því að slá áhorfendamet á dönskum kvennaleik þegar viðureign dagsins fór fram.

Alls mættu 18.096 áhorfendur á leikinn, sem er met á kvennaleik í félagsliðabolta í Danmörku. Fyrra metið var 5.165 áhorfendur. Til samanburðar hafa mest 21.542 áhorfendur mætt til að horfa á danska kvennalandsliðið þegar liðið tók á móti Brasilíu árið 2022.

Eins og áður segir endaði leikur dagsins með 2-1 sigri FCK þar sem Sunneva lagði upp fyrra mark heimakvenna, stuttu eftir að gestirnir höfðu tekið forystuna.

Það var svo Josephine Lech sem tryggði FCK sigurinn með marki á 55. mínútu, en Sunneva var tekin af velli þegar um tíu mínútur voru til leiksloka.




Fleiri fréttir

Sjá meira


×