Rigning víða í dag

Samkvæmt hugleiðingum veðufræðings hjá Veðurstofu Íslands er lægð suður af landinu sem stýrir veðrinu. Ýmist verður gola eða kaldi, en strekkingur syðst fram að hádegi.

Veðurhorfur næstu daga

Á fimmtudag: Suðaustan og austan 5-13 metrar á sekúndu, en hægari breytileg átt á Suður- og Vesturlandi. Víða rigning eða skúrir, sums staðar talsverðar dembur síðdegis. Hiti 8 til 16 stig, svalast á Austfjörðum.

Á föstudag: Austan og suðaustan 5-10 og víða skúrir, síst þó á Austurlandi. Hiti 10 til 17 stig, hlýjast norðaustantil.

Á laugardag: Norðan 5-13 metrar á sekúndu, en vestlægari á sunnanverðu landinu. Víða súld eða rigning. Hiti 7 til 13 stig, svalast við norðausturströndina.

Á sunnudag og mánudag: Breytileg átt 3-8 og líkur á dálítilli vætu í flestum landshlutum. Áfram fremur svalt í veðri.

Á þriðjudag: Útlit fyrir norðanátt með rigningu á Norður- og Austurlandi, en skýjað með köflum og stöku skúrir sunnan heiða. Hiti 6 til 16 stig, mildast sunnanlands.