Kassi í Mosfellsbæinn

Kassi kemur til liðsins frá sænska liðinu Degerfors, en þessi þrítugi sóknarsinnaði miðjumaður hefur stærstan hluta ferilsins leikið með norska liðinu Stabæk.

Hann lék með Stabæk í tíu ár og koma að 73 mörkum í 200 leikjum fyrir félagið.

Eftir tíma sinn hjá Stabæk skipti hann yfir til KÍ Klaksvík í Færeyjum áður en hann reyndi fyrir sér hjá Degerfors.

Kassi fær það verkefni að hjálpa Mosfellingum að halda liðinu í efstu deild, en Afturelding situr í sjöunda sæti Bestu-deildar karla með 19 stig, þremur stigum fyrir ofan fallsvæðið.